வெஸ்ட்இண்டீஸ் கிரிக்கெட் அணியின் ஆல்ரவுண்டராக விளங்கும் கெய்ரன் பொல்லார்ட் தன் 15 வருடகால கிரிக்கெட் வாழ்க்கையிலிருந்து ஓய்வுபெறுவதாக அறிவித்து இருக்கிறார். பொல்லார்ட் இந்த அணிக்காக 123 ஒருநாள் போட்டிகள் மற்றும் 101 டி20 போட்டிகளில் விளையாடி இருக்கிறார். கடைசியாக வெஸ்ட் இண்டீஸ் அணிக்காக இந்தியாவில் நடந்த போட்டியில் அவர் விளையாடியிருந்தார். பொல்லார்ட் டி-20 போட்டிகளில் மாஸ் காட்டும் வீரராக விளங்கி வருகிறார். கடந்த வருடம் நடைபெற்ற டி20 உலகக்கோப்பை தொடர் வெஸ்ட் இண்டீஸ் அணியை வழி நடத்தினார். இப்போது இந்தியாவில் நடைபெறும் IPL .போட்டிகளில் அவர் பங்கேற்றுள்ளார்.
பல வருடங்களாக மும்பை இந்தியன்ஸ் அணியில் விளையாடி வரும் பொல்லார்ட், இக்கட்டான நிலைகளில் அதிரடியாக விளையாடி அணியை வெற்றி பெற வைப்பதால் இந்திய ரசிகர்கள் மத்தியில் அவருக்கு தனிஇடம் இருக்கிறது. இந்தநிலையில் முக்கியமான ஆலோசனைக்குப் பின் தான் சர்வதேச கிரிக்கெட்டிலிருந்து ஓய்வுபெற முடிவு செய்துள்ளேன் என பொல்லார்ட் தம் அறிக்கையில் தெரிவித்துள்ளார். சென்ற 15 வருடங்களுக்கும் மேலாக ஒரு நாள் மற்றும் டி20 போட்டிகளுக்காக வெஸ்ட் இண்டீஸ் அணியில் இடம் பெற்றதை நினைத்து பெருமைப்படுவதாகவும், பிரைன் லாரா ஆகிய ஜாம்பவான்களுடன் இணைந்து விளையாடியது மகிழ்ச்சி அளிப்பதாகவும் அவர் குறிப்பிட்டுள்ளார்.