முதல்வர் ஸ்டாலின் செய்தி குறிப்பு ஒன்று வெளியிட்டுள்ளார். அதில் கூறப்பட்டிருப்பதாவது, சமத்துவம், சகோதரத்துவம், ஈகை ஆகிய மனிதநேய பண்புகளின் விழாவாக அன்பை பரிமாறி ஏழை, எளியவர்களுக்கு உதவும் திருநாளாக அமைந்துள்ள கிறிஸ்துமஸ் பெருவிழாவை மகிழ்ச்சியோடு கொண்டாடும் அனைவருக்கும் நல்வாழ்த்துக்கள். இயேசுபிரான் தம்மை சிலுவையில் அறைந்தவர்களையும் மண்ணிக்க கூடிய உயர்ந்த உள்ளம் கொண்டு விளங்கியவர். “மன்னியுங்கள், நீங்கள் மன்னிக்கப்படுவீர்கள்” என்றும் அமைதிக்காக உழைப்பவர்கள் ஆசீர்வதிக்கப்பட்டவர்கள் என்றும் “ஈராயிரம் ஆண்டுகளுக்கு முன்பு இயேசு அருளிய போதனைகள் எக்காலத்திற்கும் எந்நிலத்திற்கும் பொருந்தும்”. இது போன்ற நெறிகளை பின்பற்றி தமிழ்நாட்டில் வசித்து வரும் கிறிஸ்தவ தோழர்களின் நலனுக்காக எண்ணற்ற நலத்திட்டங்களை நமது அரசு தொடர்ந்து ஆட்சி வருகிறது.
அந்த வகையில் 1989 -ஆம் வருடம் சிறுபான்மையினர் நல ஆணையத்தையும், 1999 -ஆம் வருடம் சிறுபான்மையினர் பொருளாதார மேம்பாட்டு கழகத்தையும், 2007 -ஆம் வருடம் சிறுபான்மையினர் நல இயக்கத்தையும் கருணாநிதி அமைத்துள்ளார். இதனையடுத்து ஜெருசலேமுக்கு புனித பயணம் செல்வதற்கு அருட்சகோதரிகள் மற்றும் கன்னியாஸ்திரிகளுக்கு வழங்கப்படும் மானியம் அதிகரிக்கப்பட்டுள்ளது. மேலும் அனைத்து தரப்பினரையும் அரவணைக்கும் நமது திராவிட மாடல் அரசனது கிறிஸ்தவ மக்களின் சமூக பொருளாதார கல்வி நிலையை உயர்த்துவதில் அவர்களின் உண்மையை பாதுகாப்பதிலும் உறுதியோடு இருக்கிறது. அமைதியும் அன்பும் நிலைத்த சமத்துவ உலகம் பிறந்திட இயேசுவின் நன்னெறிகள் நமக்கு வழிகாட்டட்டும் என முதல்வர் ஸ்டாலின் கூறியுள்ளார்.