நடிகர் விஜயின் சூப்பர் ஹிட் அடித்த கில்லி படம் கேரளாவில் ரீ ரிலீஸ் செய்யப்பட்டுள்ளது.
கடந்த 2004ஆம் ஆண்டு விஜய், த்ரிஷா, பிரகாஷ் ராஜ் நடிப்பில் உருவான கில்லி படம் விஜய்யின் சினிமா வாழ்க்கையில் முக்கியமான படம். வசூல் சாதனை செய்த கில்லி விஜய் ரசிகர்களாக அல்லாதவர்களுக்கு கூட பிடித்திருந்தது. தெலுங்கில் ஒக்கடு ரீமேக்கான கில்லியை விறுவிறு இயக்கத்தால் சூப்பர் ஹிட் ஆக்கினார் இயக்குனர் தரணி. இப்போதும் பலருக்கு ஃபேவரட் படமாக கில்லியை சொல்கிறார்கள்.
இந்த நிலையில் கில்லி படம் கேரளாவில் நேற்று முன்தினம் முதல் தியேட்டர்களில் ரீ ரிலீஸ் செய்யப்பட்டுள்ளது. கொரோனாவால் கடந்த ஆண்டிலிருந்து மூடப்பட்டிருந்த கேரள தியேட்டர்கள் கடந்த அக்டோபர் 25-ஆம் தேதி முதல் மீண்டும் திறக்கப்பட்டுள்ளது. இதனால் படங்கள் வெளியாகி வருகின்றன. தமிழகத்தைப் போலவே விஜய்க்கு கேரளாவிலும் அதிகமான ரசிகர்கள் இருப்பதால் கேரளா தியேட்டர் உரிமையாளர்கள் கில்லி படத்தை ரீ ரிலீஸ் செய்துள்ளார்.