குக் வித் கோமாளி பிரபலம் தர்ஷா குப்தா திருமண கோலத்தில் இருக்கும் புகைப்படம் ஒன்று வெளியாகியுள்ளது.
சின்னத்திரை சீரியல்களில் நடித்து பிரபலமடைந்தவர் தர்ஷா குப்தா. இதையடுத்து இவர் விஜய் டிவியில் ஒளிபரப்பான குக் வித் கோமாளி நிகழ்ச்சியில் கலந்து கொண்டு ஏராளமான ரசிகர்கள் மனதில் இடம் பிடித்தார். தற்போது இவருக்கு படங்களில் நடிக்கும் வாய்ப்புகள் கிடைத்து வருகிறது. அந்த வகையில் ‘திரௌபதி’ பட இயக்குனர் மோகன் ஜி அடுத்ததாக இயக்கும் படத்தில் தர்ஷா கதாநாயகியாக நடிக்கிறார்.
‘ருத்ரதாண்டவம்’ என டைட்டில் வைக்கப்பட்டுள்ள இந்த படத்தில் திரௌபதி பட நடிகர் ரிச்சர்ட் ரிஷி கதாநாயகனாக நடிக்கிறார். மேலும் இந்த படத்தில் ராதாரவி, கௌதம் மேனன் உள்ளிட்ட பலர் முக்கிய கதாபாத்திரங்களில் நடிக்கின்றனர். இந்நிலையில் ருத்ரதாண்டவம் படத்தில் ரிச்சர்ட் ரிஷி – தர்ஷா குப்தா இருவரும் திருமண கோலத்தில் இருக்கும் புகைப்படத்தை படக்குழு வெளியிட்டுள்ளது. தற்போது இந்த புகைப்படம் இணையத்தில் வைரலாகி வருகிறது.