குக் வித் கோமாளி ரித்திகா தனது சமூக வலைதளப் பக்கத்தில் தனது ரசிகர்களின் கேள்விகளுக்கு பதிலளித்துள்ளார்.
விஜய் தொலைக்காட்சியில் ஒளிபரப்பான குக் வித் கோமாளி சீசன் 2 நிகழ்ச்சி மிகப்பெரிய அளவில் ஹிட்டானது . இந்த சீசனில் வைல்ட் கார்ட் போட்டியாளராக கலந்து கொண்டு பிரபலமடைந்தவர் ரித்திகா. இந்த நிகழ்ச்சியில் இவரும் கோமாளியாக வரும் பாலாவும் சேர்ந்து செய்யும் ரகளைகள் ரசிகர்களை வெகுவாக கவர்ந்தது . மேலும் காமெடி ராஜா கலக்கல் ராணி நிகழ்ச்சியின் அறிமுக சுற்றில் பாலா- ரித்திகா இருவரும் வெண்ணிலவே வெண்ணிலவே பாடலுக்கு செம ரொமான்டிக்காக நடனமாடினர். இதனால் பாலா- ரித்திகா இருவரும் காதலிப்பதாக இணையத்தில் தகவல் பரவி வந்தது.
இந்நிலையில் ரித்திகா தனது சமூக வலைதளப் பக்கத்தில் தனது ரசிகர்களின் கேள்விகளுக்கு பதிலளித்துள்ளார். அப்போது ரசிகர் ஒருவர் பாலாவை காதலிக்கிறீர்களா? என கேட்டுள்ளார் . இதற்கு பதிலளித்த ரித்திகா ‘நானும் பாலாவும் நல்ல நண்பர்கள். குக் வித் கோமாளி நிகழ்ச்சியிலிருந்து இருவர்களும் நல்ல நண்பர்களாக இருந்து வருகிறோம். நிகழ்ச்சிக்காக நாங்கள் இருவரும் இணைந்து இது போல் பர்ஃபாமென்ஸ் செய்வது மக்களுக்கு பிடித்திருக்கிறது . இதைதான் நாங்கள் விரும்புகிறோம். மக்களை மகிழ்விப்பது மட்டுமே எங்கள் நோக்கம்’ என கூறியுள்ளார் .