“குடியாத்தம் அருகே பணியிலிருந்த பெண் கார்டு”…… ரயிலிலிருந்து தவறி விழுந்து பலி….!!!!!!

குடியாத்தம் அருகே பணியில் இருந்த பெண் கார்டு ரயிலிலிருந்து தவறி விழுந்து உயிரிழந்துள்ளார்.

கேரள மாநிலத்தில் உள்ள பாலக்கோடு பகுதி சேர்ந்த சிவதாஸ் என்பவரின் மனைவி மினிமோல். இவர் திருப்பத்தூர் மாவட்டத்தில் உள்ள ஜோலார்பேட்டை ரயில் நிலையத்தில் கார்டாக வேலை பார்த்து வந்தார். இவர் நேற்று காலை கவுகாத்தி எக்ஸ்பிரஸ் ரயில் சென்னை-திருவொற்றியூர் ரயில் நிலையத்திலிருந்து குடியாத்தம்- வளத்தூர் ரயில் நிலையங்களுக்கு வந்த பொழுது மினிமோல் பச்சை கொடி காட்ட முயன்றார்.

ஆனால் அவர் கொடியுடன் தவறி கீழே விழுந்து தலை சிதைந்து சம்பவ இடத்திலேயே பரிதாபமாக உயிரிழந்தார். இதுபற்றி தகவலறிந்து ஜோலார்பேட்டை ரயில்வே போலீஸ் சம்பவ இடத்திற்கு வந்து மினிமோல் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தார்கள். இதனால் ரயில் 45 நிமிடம் தாமதமாக புறப்பட்டு சென்றது. இது குறித்து ரயில்வே போலீசார் வழக்கு பதிவு செய்து விசாரணை மேற்கொண்டு வருகின்றார்கள்.