உலகையே அச்சுறுத்தி வரும் கொரானா வைரஸ் ஒட்டுமொத்த மக்களின் வாழ்வாதாரத்தை புரட்டி போட்டுள்ளது. இந்த தொற்று 215 நாடுகளில் தாக்கத்தை ஏற்படுத்தியதில் 10,802,849 பேர் இதனால் பாதிக்கப்பட்டுள்ளனர். இதுவரை தொற்றில் இருந்து 59 லட்சத்து 38 ஆயிரத்து 954 பேர் குணமடைந்து வீடு திரும்பி உள்ள நிலையில் 5 லட்சத்து 18 ஆயிரத்து 921 பேர் உயிரிழந்துள்ளனர். மேலும் 43 லட்சத்து 44 ஆயிரத்து 974 பேர் மருத்துவமனையில் சிகிச்சை பெற்று வருவதில் 57,959 பேர் இக்கட்டான நிலையில் இருந்து வருகின்றன.
நேற்று ஒரே நாளில் உலகம் முழுவதும் கொரோனாவால் பாதிக்கப்பட்ட 1 லட்சத்து 32 ஆயிரத்து 758 பேர் சிகிச்சை முடிந்து வீடு திரும்பியது மக்களுக்கு புதிய நம்பிக்கையை ஏற்படுத்தியுள்ளது. அவ்வகையில் நேற்று மட்டும் பிரேசிலில் 36,826 பேரும் , அமெரிக்காவில் 21,346 பேரும் , இந்தியாவில் 12,060 பேரும் , ரஷ்யாவில் 10,281 அதிகமானோர் குணமடைந்துள்ளனர்.