தமிழக அரசு பணியாளர் தேர்வாணையத்தால் நடத்தப்படும் குரூப்-1 தேர்வுக்கு தயாராகும் சேலம் மாவட்ட சேர்ந்த தேர்வர்களுக்கு இலவச மாதிரி தேர்வு அறிவிக்கப்பட்டுள்ளது. இது குறித்து அந்த மாவட்ட ஆட்சித்தலைவர் வெளியிட்ட அறிக்கையில், தமிழக அரசு பணியாளர் தேர்வாணையத்தின் குரூப்-1 பணிகளுக்கு தேர்வு வருகின்ற 19ஆம் தேதி நடைபெற உள்ளது. இதனை முன்னிட்டு சேலம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தின் மூலம் இலவச மாதிரி தேர்வு வருகின்ற 11ஆம் தேதி ஏற்பாடு செய்யப்பட்டுள்ளது.
இந்த தேர்வு ஏற்காடு அடிவாரம் பகுதியில் அமைந்துள்ள விநாயகா மெஷின் மருந்தியல் கல்லூரி வளாகத்தில் நடைபெற உள்ளது. தேர்விற்கு வரும்போது, தேர்விற்கு விண்ணப்பித்த நகல் மற்றும் இரண்டு பாஸ்போர்ட் அளவு போட்டோ கொண்டு வர வேண்டும். காலை 9 மணிக்கு பிறகு வரும் தேவர்கள் தேர்வு எழுத அனுமதிக்க மாட்டார்கள். மேலும் மாதிரி தேர்வுகள் குறித்த விவரங்களுக்கு 9490055941 என்ற தொலைபேசி எண்ணில் அலுவலக வேலை நாட்களில் தொடர்பு கொண்டு தெரிந்து கொள்ளலாம்.