தேர்வாணையம் ஜனவரி 3ஆம் தேதி நடத்தும் குரூப் 1 தேர்வில் இருந்து புதிய கட்டுப்பாடுகள் அமல்படுத்தப்படுகிறது.
தமிழகத்தில் டிஎன்பிஎஸ்சி தேர்வாணையத்தால் நடத்தப்படும் போட்டித் தேர்வுகளை எழுத விரும்பும் தேர்வர்கள் அனைவருக்கும் முக்கிய அறிவுரைகள் வெளியிடப்பட்டுள்ளன. அதன்படி ஜனவரி 3ம் தேதி நடைபெற உள்ள குரூப் 1 தேர்வில் இருந்து புதிய கட்டுப்பாடுகள் அமலாகிறது. ஜனவரி 3ஆம் தேதி காலை 9.15 மணிக்குள் தேர்வு அறைக்குள் சென்று விட வேண்டும். அதன்பிறகு வருவோர் அனுமதிக்கப்படமாட்டார்கள். தேர்விற்கு பென்சில் பயன்படுத்தக் கூடாது, கருப்பு மை Ball point பேனாவை மட்டுமே பயன்படுத்த வேண்டும்.
தேர்வு விடைத்தாளில் கைரேகை. இரண்டு இடங்களில் கையெழுத்திட வேண்டும். மொத்த விடைகளின் எண்ணிக்கையை குறிப்பிடுவதில் தவறு இருந்தால் ஐந்து மதிப்பெண்கள் குறைக்கப்படும் என்று டிஎன்பிஎஸ்சி அறிவித்துள்ளது. இந்த திடீர் அறிவிப்பு டிஎன்பிஎஸ்சி தேர்வாளர்கள் மத்தியில் அதிர்ச்சியை ஏற்படுத்தியுள்ளது.