தமிழகத்தில் குரூப்-2, 2ஏ தேர்வு தொடர்பான அறிவிப்பு கடந்த பிப்ரவரி மாதம் 23ஆம் தேதி வெளியானது. இத்தேர்வு மே 21ஆம் தேதி நடைபெறும் என்று தேர்வாணையம் தெரிவித்துள்ளது. கடந்த 23ஆம் தேதி முதல் விண்ணப்ப பதிவுகள் ஆன்லைன் மூலம் நடைபெற்று வருகிறது. இந்த தேர்வில் கலந்துகொள்ள விரும்புபவர்கள் 18 வயது பூர்த்தி அடைந்திருக்க வேண்டும். அதுமட்டுமல்லால் ஏதேனும் ஒரு துறையில் இளங்கலை பட்டம் பெற்றிருக்க வேண்டும்.
நடப்பாண்டு முதல் டிஎன்பிஎஸ்சி தேர்வில் புதிய விதிமுறைகள் கொண்டு வரப்பட்டுள்ளது. அந்த வகையில் தமிழ் மொழித்தேர்வு கட்டாயமாக்கப்பட்டு உள்ளது. அதில் 40 சதவீதம் மதிப்பெண்கள் பெறுவது கட்டாயமாகும். அதுமட்டுமல்லாமல் தேர்வின் நேரமும் மாற்றப்பட்டுள்ளது. அதன்படி காலை 10 மணிக்கு தொடங்கும் தேர்வு இனி 9 மணிக்கு தொடங்கும் என்று தெரிவிக்கப்பட்டுள்ளது. இதனால் குரூப் 2, 2-ஏ தேர்வு காலை 9.30 மணி முதல் மதியம் 12.30 மணி வரை நடத்த திட்டமிடப்பட்டு உள்ளது. மேலும் பிற்பகலில் நடைபெறும் தேர்வுகள் வழக்கம்போல் மதியம் 2 மணி முதல் மாலை 5 மணி வரை நடைபெறும் என தெரிவிக்கப்பட்டுள்ளது.