திமுக தலைவரும் முதல்வருமான முக ஸ்டாலின் அக்கட்சி தொண்டர்களுக்கு கடிதம் ஒன்றை எழுதியுள்ளார். அதில், நம் உயிரோடு கலந்திருக்கும் தலைவர் கருணாநிதி அவர்களின் உடன்பிறப்புகள்களுக்கு உங்களில் ஒருவன் எழுதும் மடல். தமிழக மக்கள் அளித்துள்ள மகத்தான பொறுப்பினை சுமந்து கொண்டு மாநிலத்தின் நிலையை உயர்த்திடவும், உரிமையை மீட்டெடுக்கவும் தொடர்ந்து ஓய்வின்றி உழைக்க வேண்டியிருப்பதால் அன்பு உடன்பிறப்புகளாகிய உங்களோடு கடிதம் வாயிலாக அடிக்கடி உரையாட முடியவில்லை.
வாய்ப்பு கிடைக்கும் போதெல்லாம் கண்ணான கழகத்தினரையும் கனிவான பொதுமக்களையும் நேரில் சந்தித்து களிப்பு மிகக் கொள்கிறேன். கட்சிக்காக உண்மையாக உழைப்பவர்களை தன் கவனத்தில் குறித்து வைத்திருக்கிறேன். அடுத்தடுத்த வாய்ப்புகளில் உங்கள் எதிர்ப்பார்ப்புகள் நிச்சயம் நிறைவேறும் என குறிப்பிட்டுள்ளார். கொள்கைகளும், சாதனைகளும் தான் நமக்கு வாளும், கேடயமும். அதை குக்கிராமங்கள் வரை கொண்டு சேர்க்க வேண்டும் என கேட்டுக்கொண்டுள்ளார்.