குன்னம் குறுவட்ட அளவிலான விளையாட்டுப் போட்டிகள் நடைபெற்றது.
பெரம்பலூர் மாவட்டத்தில் உள்ள பள்ளி கல்வித்துறையின் சார்பாக குன்னம் குறுவட்ட அளவிலான 14, 17, 19 வயதுக்குட்பட்ட மாணவிகளுக்கு வளையப்பந்து, கபடி, கேரம், கோ கோ உள்ளிட்ட விளையாட்டுப் போட்டிகள் நடைபெற்றது. இந்த போட்டியானது சரஸ்வதி வித்யாலயா மெட்ரிக் மேல்நிலைப்பள்ளி மைதானத்தில் நடத்தப்பட்டது.
இந்நிகழ்விற்கு மாவட்ட கல்வி அலுவலர் ஜெகநாதன் தலைமை தாங்கி போட்டிகளை ஆரம்பித்து வைத்தார். மேலும் மாவட்ட உடற்கல்வி ஆய்வாளர் ராஜேந்திரன் முன்னிலை வகிக்க தலைமை ஆசிரியர் வாழ்த்துரை வழங்கினார். இந்நிகழ்ச்சிக்கு நடுவர்களாக உடல் கல்வி ஆசிரியர்கள் பணியாற்றினார்கள். மேலும் இப்போட்டியில் 45 பள்ளிகளிலிருந்து 550 மாணவிகள் பங்கேற்றார்கள்.