குளித்துக் கொண்டிருக்கும் போது தண்ணீரில் மூழ்கி வாலிபர் உயிரிழந்த சம்பவம் சோகத்தை ஏற்படுத்தியுள்ளது.
சிவகங்கை மாவட்டத்தில் உள்ள அரசினிப்பட்டி கிராமத்தில் சபரிநாதன் என்பவர் வசித்து வந்துள்ளார். இவர் அங்குள்ள கண்மாயில் குளிப்பதற்காக சென்றுள்ளார். அப்பகுதியில் பெய்த கனமழை காரணமாக கண்மாயில் அதிகமான தண்ணீர் இருந்துள்ளது. இந்நிலையில் கண்மாயில் குளித்துக் கொண்டிருந்தபோது ஆழமான பகுதிக்கு சென்றதால் சபரிநாதன் தண்ணீரில் மூழ்கி பரிதாபமாக உயிரிழந்துவிட்டார்.
இதுகுறித்து தகவலறிந்த தீயணைப்பு படை வீரர்கள் சம்பவ இடத்திற்கு விரைந்து சென்று சபரிநாதனின் சடலத்தை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இது குறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.