குளிரில் நடுங்கிய மூதாட்டியை பத்திரமாக மீட்ட சப்-இன்ஸ்பெக்டரை அனைவரும் பாராட்டி வருகின்றனர்.
கோயம்புத்தூர் மாவட்டத்தில் நேற்று முன்தினம் பல்வேறு இடங்களில் கனமழை பெய்தது. இதனால் சாலைகளில் மழை நீர் வெள்ளம் போல பெருக்கெடுத்து ஓடியது. இந்நிலையில் கோவை அரசு மருத்துவமனை பிரேத பரிசோதனை மையம் அருகே சாலையோர நடைபாதையில் குளிரில் நடுங்கியவாறு மூதாட்டி ஒருவர் படுத்து கிடந்துள்ளார்.
இதனை பார்த்த ரேஸ்கோர்ஸ் போலீஸ் நிலையம் சப்-இன்ஸ்பெக்டர் விக்னேஷ் என்பவர் சுமார் 70 வயதுடைய அந்த மூதாட்டியை மீட்டு கோவையில் இருக்கும் முதியோர் இல்லத்திற்கு அனுப்பி வைத்துள்ளார். மூதாட்டியை பத்திரமாக மீட்ட சப்- இன்ஸ்பெக்டரின் சேயலை அனைவரும் பாராட்டி வருகின்றனர்.