குழந்தை திருமணம் தடுப்பு குறித்து மாவட்ட ஆட்சியர் அலுவலகத்தில் விழிப்புணர்வு நிகழ்ச்சி நடைபெற்றுள்ளது.
தேனி மாவட்டத்தில் குழந்தைகள் பாதுகாப்பு அலகு, சைல்டு லைன், சமூக நலன் மற்றும் மக்கள் உரிமைத்துறை சார்பில் மாவட்ட ஆட்சியர் அலுவலக வாளகத்தில் விழிப்புணர்வு நிகழ்ச்சி நடைபெற்றுள்ளது. இந்த நிகழ்ச்சியின் குழந்தை திருமணம் தடுப்பு குறித்த விழுப்புணர்வு பிரச்சாரம் நடந்துள்ளது. இந்த நிகழ்ச்சிக்கு மாவட்ட ஆட்சியர் தலைமை தாங்கியுள்ளார்.
இதனையடுத்து குழந்தை திருமணம் செய்வது சட்டப்படி குற்றமாகும், இதனால் குழைந்தைகளுக்கும் பாதிப்பு ஏற்படும் என தெரிவித்துள்ளனர். மேலும் இந்த விழிப்புணர்வு நிகழ்ச்சியில் ராக்கி கயிறு கட்டும் நிகழ்ச்சியும் நடந்துள்ளது. அப்போது குழந்தைகள் மாவட்ட ஆட்சியருக்கு ராக்கி கயிறு கட்டியுள்ளனர். இதனைதொடர்ந்து வருகின்ற 20ஆம் தேதி வரை பல்வேறு விழிப்புணர்வு நிகழ்சிகள் நடைபெறவுள்ளதாக ஆட்சியர் முரளிதரன் தெரிவித்துள்ளார்.