1 முதல் 9 ஆம் வகுப்பு வரையிலான மாணவர்களுக்கு கோடை விடுமுறை அறிவிக்கப்பட்டுள்ளது.
கடந்த சில நாட்களுக்கு முன்பு 10, 11, 12ஆம் வகுப்புக்கான பொது தேர்வு அட்டவணையை பள்ளிக்கல்வித்துறை அமைச்சர் அன்பில் மகேஷ் பொய்யாமொழி வெளியிட்டுள்ளார். அதன்படி பத்தாம் வகுப்பு மாணவர்களுக்கான பொதுத் தேர்வு வரும் மே மாதம் 6-ஆம் தேதி முதல் 30ம் தேதி வரை நடைபெறும், எனவும் பதினோராம் வகுப்பு மாணவர்களுக்கு மே மாதம் 9ஆம் தேதி தொடங்கி 31-ம் தேதி வரை நடைபெறும், எனவும் பன்னிரண்டாம் வகுப்பு பொதுத் தேர்வு மே மாதம் 5ஆம் தேதி தொடங்கி மே மாதம் 28ஆம் தேதி முடியும் எனவும் தெரிவிக்கப்பட்டுள்ளது. மேலும் 10, 11, 12ஆம் வகுப்பு மாணவர்களுக்கான செய்முறைத் தேர்வு அடுத்த மாதம் 5-ஆம் தேதி முதல் மே மாதம் 2-ஆம் தேதி வரை நடைபெறும் என்றும் அறிவித்துள்ளது.
இதேபோல் தமிழக அரசின் கட்டுப்பாட்டில் உள்ள அனைத்து அரசு பள்ளிகள் மற்றும் அரசு உதவி பெறும் பள்ளிகள் மெட்ரிகுலேஷன் பள்ளிகளில் 6 வகுப்பு முதல் 9 வகுப்பு வரை மே மாதம் 5-ஆம் தேதி முதல் மே மாதம் 13ம் தேதி வரை பொதுத் தேர்வுகள் நடைபெறும், எனவும் 9 வகுப்பு மட்டும் மே மாதம் 2-ஆம் தேதி முதல் மே மாதம் 8ஆம் தேதி வரை செய்முறை தேர்வு நடைபெறும் எனவும் கூறப்பட்டுள்ளது. இதனையடுத்து 1ம் வகுப்பு முதல் 5 ம் வகுப்புகளுக்கு மே மாதம் 13ஆம் தேதி வரை பள்ளிகள் செயல்படும் எனவும் அறிவிக்கப்பட்டுள்ளது.
இதன் மூலம் மே மாதம் 13 ஆம் தேதியிலிருந்து பள்ளிகளுக்கு விடுமுறை அளிக்கப்பட உள்ளது. அதாவது ஒன்பதாம் வகுப்பு வரை படிக்கும் மாணவர்களுக்கு மே மாதம் 13ஆம் தேதி தொடங்கி ஜூன் மாதம் 12ஆம் தேதி வரை சுமார் ஒரு மாதம் கோடை கால விடுமுறை அளிக்கப்பட்டுள்ளது. இதனால் மாணவர்கள் மகிழ்ச்சி அடைந்துள்ளனர்.