தமிழகத்தில் உடற்கல்வி பாடத்திற்கு பள்ளிகளில் அனுமதி வழங்கப்பட்டுள்ளது.
தமிழகத்தில் கொரோனா தொற்று காரணமாக கடந்த 2 வருடங்களாக பள்ளிகள் அனைத்தும் திறக்கப்படாமல் இருந்தது. இதைத்தொடர்ந்து பள்ளிகளில் இறைவணக்கம் மற்றும் உடற்கல்வி பாடத்திற்கும் தடைவிதிக்கப்பட்டது. இந்நிலையில் கொரோனா பரவல் குறைந்ததையடுத்து கடந்த பிப்ரவரி மாதம் பள்ளிகள் அனைத்தும் திறக்கப்பட்டது. இதைத்தொடர்ந்து 1 முதல் 12-ஆம் வகுப்பு வரையிலான மாணவர்களுக்கு பாடம் நடத்தப்பட்டு வந்தது.
இதனையடுத்து பள்ளிகளில் இறை வணக்கத்திற்கு அனுமதி வழங்கப்பட்டது. இருப்பினும் உடற்கல்வி பாடத்திற்கும் மட்டும் அனுமதி வழங்கப்படாமல் இருந்தது. இந்நிலையில் பள்ளிக்கல்வித்துறை ஆணையர் மீண்டும் உடற்கல்வி பாடம் நடத்த தமிழக பள்ளிகளுக்கு உத்தரவு வழங்கினார். இருப்பினும் 1-ம் வகுப்பு முதல் 9-ம் வகுப்பு வரையிலான மாணவர்களுக்கு மட்டுமே உடற்கல்வி வகுப்புகள் நடத்த அனுமதி வழங்கப்பட்டுள்ளது. இதன் காரணமாக மாணவர்கள் மிகுந்த மகிழ்ச்சியில் உள்ளனர்.