தமிழ் சினிமாவில் முன்னணி நடிகராக வலம் வருபவர் சூர்யா. இவர் கமல் நடிப்பில் வெளியான விக்ரம் படத்தில் 5 நிமிடம் ‘ரோலக்ஸ்’ என்ற நெகட்டிவ் கதாபாத்திரத்தில் மிரட்டி இருப்பார். இது ரசிகர்கள் மத்தியில் அதிக வரவேற்பு பெற்றது. இவர் தற்போது வணங்கான் படத்தில் நடித்துக் கொண்டு இருக்கிறார். இவர் நடிகராக மட்டுமில்லாமல் தனது 2D நிறுவனம் சார்பாக தரமான படங்களை தயாரித்து வருகிறார். இந்நிலையில் கடந்த 2015 ஆம் ஆண்டு விக்ரம் குமார் இயக்கத்தில் வெளியானப் படம் 24. இந்த படத்தில் சூர்யா மூன்று வேடங்களில் நடித்திருப்பார்.
அதிலும் அவர் ஆத்ரேயா என்ற வில்லன் கதாபாத்திரத்தில் சூர்யா நடித்திருந்தது ரசிகர்களிடம் அமோக வரவேற்பை பெற்றது. இதனைத் தொடர்ந்து தற்போது இப்படத்தின் இயக்குனரான விக்ரம் குமார் 24 படத்தின் இரண்டாம் பாகத்திற்கான கதையை உருவாக்கி வருவதாக கூறினார். மேலும் ஆத்ரேயா என்ற வில்லன் கதாபாத்திரத்தை மையமாக வைத்து தான் கதையை உருவாக்கி வருவதாகவும் தெரிவித்தார். இதனை கேட்ட ரசிகர்கள் சூரியாவை வில்லன் கதாபாத்திரம் பார்க்க ஆவலாக எதிர்பார்க்கின்றனர்.