தமிழகத்தில் கூட்டுறவுத்துறை ஊழியர்களுக்கு தீபாவளி அட்வான்ஸ் தொகையை உயர்த்தி வழங்கி அரசு உத்தரவிட்டுள்ளது.அதாவது மாநில தலைமை கூட்டுறவு வங்கியில் பணியாற்றும் நிர்வாகி மற்றும் அலுவலர்களுக்கு 30 ஆயிரம் ரூபாயும் உதவியாளர்களுக்கு 28 ஆயிரம் ரூபாயும் இதர ஊழியர்களுக்கு 25 ஆயிரம் ரூபாய் என்ற விகிதத்தில் தீபாவளி முன்பணம் வழங்கப்படும் . இவர்களுக்கு தொகையில் உயர்வு அளிக்கப்படவில்லை.
அதே சமயம் மாநில கூட்டுறவு வேளாண் மற்றும் ஊரக வளர்ச்சி வங்கி,நகர கூட்டுறவு வங்கி ஊழியர்களுக்கு 20,000 ரூபாயிலிருந்து 24 ஆயிரம் ரூபாயாக உயர்த்தி வழங்கப்படும். தொடக்க கூட்டுறவு கடன் சங்கம், நகர கூட்டுறவு கடன் சங்கம் மற்றும் பணியாளர் கூட்டுறவு கடன் சங்க ஊழியர்களுக்கு 15 ஆயிரம் ரூபாயிலிருந்து 18,000 ரூபாயாக அட்வான்ஸ் தொகை உயர்த்தப்பட்டுள்ளதாக அரசு தெரிவித்துள்ளது.