கூழாங்கல் படத்திற்கு சங்கரதாஸ் சுவாமிகள் விருது அறிவிக்கப்பட்டுள்ளது.
புதுச்சேரி மாநிலத்தில் வருடம் தோறும் 3 நாட்கள் இந்திய திரைப்பட விழா நடைபெறும். இவ்ழிழா வருகிற செப்டம்பர் 9-ம் தேதி தொடங்குகிறது. இந்த விழாவில் முதல்வர் ரங்கசாமி சிறந்த திரைப்படத்திற்கான விருதினை வழங்கி கௌரவிப்பார். இந்நிலையில் சிறந்த திரைப்படத்திற்காக வருடம்தோறும் சங்கரதாஸ் சுவாமிகள் என்ற விருதுகள் வழங்கப்படும். இந்த விருது கூழாங்கல் திரைப்படத்திற்கு வழங்கப்படும் என அறிவிக்கப்பட்டுள்ளது. இந்த கூழாங்கல் திரைப்படத்தை பி.எஸ் வினோத் ராஜ் இயக்க, நயன்தாரா மற்றும் விக்கியின் ரவுடி பிக்சர்ஸ் நிறுவனம் தயாரித்துள்ளது.
இந்தப் படத்திற்கு யுவன் சங்கர் ராஜா இசையமைத்துள்ளார். இதனையடுத்து பல்வேறு சர்வதேச விழாக்களின் திரையிடப்பட்ட கூழாங்கல் திரைப்படம், ஆஸ்கர் விருதுக்கான தேர்வில் இந்தியா சார்பில் தேர்ந்தெடுக்கப்பட்ட படமாகவும் இருக்கிறது. கடந்த சில மாதங்களுக்கு முன்பாக நெதர்லாந்தில் நடைபெற்ற விழாவில் கூழாங்கல் திரைப்படத்திற்கு டைகர் விருது கிடைத்துள்ளது. இந்த விருதை வென்ற முதல் தமிழ் படம் என்ற பெருமையை கூழாங்கல் பெற்றுள்ளது என்பது குறிப்பிடத்தக்கதாகும்.