பொன்னியின் செல்வன் திரைப்படம் முந்தைய தமிழ் படங்களின் சாதனையை முறியடித்துள்ளது.
மணிரத்தினம் இயக்கத்தில் இரண்டு பாகங்களாக உருவாகி சென்ற 30-ம் தேதி பொன்னியின் செல்வன் திரைப்படத்தின் முதல் பாகம் வெளியாகியுள்ளது. இப்படத்தில் கார்த்தி, விக்ரம், ஜெயம் ரவி, ஐஸ்வர்யா ராய், த்ரிஷா என மிகப் பெரிய நட்சத்திர பட்டாளமே நடித்துள்ளது. மேலும் இத்திரைப்படத்தை மெட்ராஸ் டாக்கீஸ் நிறுவனமும் லைகா நிறுவனமும் இணைந்து தயாரிக்க படத்திற்கு இசை புயல் ஏ.ஆர்.ரகுமான் இசையமைத்துள்ளார்.
இத்திரைப்படமானது தமிழ், தெலுங்கு, ஹிந்தி, கன்னடம், மலையாளம் உள்ளிட்ட ஐந்து மொழிகளில் பிரம்மாண்டமாக வெளியாகி ரசிகர்கள் மத்தியில் நல்ல வரவேற்பை பெற்று வருகின்றது. இந்த நிலையில் திரைப்படம் உலகம் முழுவதும்400 கோடி வசூல் செய்திருப்பதாக தயாரிப்பு நிறுவனம் அறிவித்திருக்கின்றது. இத்திரைப்படம் வெற்றிகரமாக ஓடிக் கொண்டிருப்பதால் மேலும் படத்தின் வசூல் அதிகரிக்கும் என சொல்லப்படுகின்றது. முந்தைய தமிழ் திரைப்படங்களின் வசூல் சாதனையை பொன்னியின் செல்வன் முறியடித்துள்ளது. உலக அளவில் அதிக வசூல் குவித்த பெரிய திரைப்படமாக பொன்னியின் செல்வன் அமைந்துள்ளது குறிப்பிடத்தக்கது.
#PS1 🗡️ hits another milestone!!
4️⃣0️⃣0️⃣+ Cr Worldwide Gross 💰🔥✨
Catch the movie in theaters near you! 📽️#PonniyinSelvan1 🗡️ #ManiRatnam @arrahman @MadrasTalkies_ @LycaProductions @tipsofficial @tipsmusicsouth pic.twitter.com/GsfuVTtsBo
— Lyca Productions (@LycaProductions) October 12, 2022