கடந்த 2018 ஆம் வருடம் பிரசாந்த் நீல் இயக்கிய கேஜிஎஃப் படத்தில் நடித்து கன்னட நடிகர் யஷ் பிரபலமானார். இந்த படத்தின் வெற்றியை அடுத்து இவர்கள் கூட்டணியில் இப்போது கேஜிஎஃப்- 2 வெளியாகியுள்ளது. இப்படமும் ரசிகர்களை கவர்ந்து வெற்றிகரமாக ஓடிக்கொண்டிருக்கிறது. இந்நிலையில் ரசிகர்களின் இதயத்தில் சிம்மாசனமிட்டு அமர்ந்துள்ள கேஜிஎஃப்-2 வெளியான எட்டே நாட்களில் உலகளவில் சுமார் 800 கோடி ரூபாய் வசூல் ஈட்டி சாதனை படைத்துள்ளது.
இது பாகுபலி 2, தங்கல், டைகர் ஜிந்தா ஆகிய படங்கள் ஈட்டிய குறுகிய கால சாதனையை முறியடித்துள்ளது. இதன் இந்திப் பதிப்பிற்கு மட்டும் ரூபாய் 250 கோடி வசூலை ஈட்டியுள்ளது. இந்த படம் 3 மாதங்களுக்குப் பின் அமேசான் பிரைமில் வெளியாகிறதாம்.