விஜய்யின் தெறி படத்தில் இடம்பெற்ற பாடல் ஓன்று தற்போது யூடுப்பில் 100 மில்லியன் பார்வையாளர்களை கடந்து சாதனை படைத்துள்ளது.
அட்லீ இயக்கத்தில் விஜய் நடிப்பில் கடந்த 2016 ஆம் ஆண்டு வெளியான படம் தெறி. இசையமைப்பாளர் ஜிவி பிரகாஷுக்கு இது 50-வது படமாகும். பிளாக்பஸ்டர் வெற்றியடைந்த இப்படத்தில் பாடல்களும் மிகப் பெரிய வரவேற்பைப் பெற்றன. கடந்த ஆண்டு இப்படத்தில் இடம்பெற்ற என் ஜீவன் பாடல் யூடுப்பில் 100 மில்லியன் பார்வையாளர்களை கடந்து சாதனை படைத்திருந்த நிலையில் தற்போது அப்படத்தில் இடம்பெற்ற ஈனா மீனா டீக்கா பாடலும் 100 மில்லியன் பார்வையாளர்களை கடந்து சாதனை படைத்துள்ளது.
ஏற்கனவே விஜயின் ஆளப்போறான் தமிழன், வெறித்தனம், என் ஜீவன், வாத்தி கம்மிங் லிரிக்கல் மற்றும் வீடியோ பாடல்கள் ஆகிய ஐந்து பாடல்கள் 100 மில்லியன் பார்வையாளர்களை கடந்துள்ள நிலையில் தற்போது ஈனா மீனா டீக்கா பாடலும் 100 மில்லியன் கிளப்பில் இணைந்துள்ளது.