பிக்பாஸ் பிரபலமும் நடிகையுமான ரைசா வில்சன் வெளியிட்டுள்ள புகைப்படம் இணையத்தில் வைரலாகி வருகிறது.
நடிகர் கமல்ஹாசன் தொகுத்து வழங்கிய பிக்பாஸ் நிகழ்ச்சியின் முதல் சீஸனில் போட்டியாளராக கலந்து கொண்டு பிரபலமடைந்தவர் ரைசா வில்சன். இதையடுத்து இவர் நடிகர் ஹரீஷ் கல்யாணுடன் இணைந்து பியார் பிரேமா காதல் படத்தில் நடித்து ஏராளமான ரசிகர்கள் மனதில் இடம் பிடித்தார் . தற்போது நடிகை ரைசா டேஷ்டேக் லக், எஃப் ஐ ஆர், காதலிக்க நேரமில்லை உள்ளிட்ட படங்களை கைவசம் வைத்துள்ளார். மேலும் ரைசா தனது சமூக வலைதளப் பக்கத்தில் அவ்வப்போது தனது அழகிய புகைப்படங்களை வெளியிட்டு ரசிகர்களை கவர்ந்து வருகிறார்.
இந்நிலையில் கருப்பு நிற உடையில் செம ஸ்டைலாக போஸ் கொடுத்த புகைப்படத்தை வெளியிட்ட ரைசா ‘ யாராவது உங்கள் வீட்டு மொட்டை மாடியில் என்னை பார்த்தால் பயந்து விடாதீர்கள்’ என்று பதிவிட்டுள்ளார். ரைசாவின் இந்த கெட்டப் ஹாலிவுட் படமான கேட் வுமன் கேரக்டர் கெட்டப் போலவே இருப்பது குறிப்பிடத்தக்கது. தற்போது இந்த புகைப்படம் இணையத்தில் வைரலாகி வருகிறது.