பொறியாளன் திரைப்படத்தின் வாயிலாக அறிமுகமானாலும் கயல் படத்தின் மூலம் புகழ்பெற்றவர்தான் ஆனந்தி. இவர் கயல் ஆனந்தி என்றே அழைக்கப்பட்டார். த்ரிஷா இல்லனா நயன்தாரா, விசாரணை, பண்டிகை, பரியேறும் பெருமாள் ஆகிய திரைப்படங்களில் நடித்துள்ள ஆனந்தி தெலுங்கில் பஸ் ஸ்டாப், கிரீன்சிக்னல், சாம்பி ரெட்டி, ஸ்ரீதேவி சோடா சென்டர் போன்ற படங்களிலும் நடித்துள்ளார். இதில் தமிழில் கடைசியாக சென்ற வருடம் வெளிவந்த கமலி பிரம் நடுக்காவேரி திரைப்படத்தில் அவர் நடித்தார். இப்போது ஆனந்தி தெலுங்கில் இட்லு மரேடும்மிலி ப்ரஜ நீக்கம் படத்தில் நடித்து வருகிறார்.
இந்நிலையில் அடுத்ததாக தமிழில் ஆனந்தி நடிக்கக்கூடிய திரைப்படம் ஒயிட் ரோஸ் ஆகும். அறிமுக இயக்குனர் ராஜசேகர் இயக்கத்தில், உருவாகிவரும் இப்படத்தில் ஆர்.கே.சுரேஷ் கதையின் நாயகனாக நடிக்கிறார். ஓய்வுபெற்ற தமிழக காவல்துறை அதிகாரியான ஜாங்கிட் முக்கியமான கதாபாத்திரத்தில் நடிக்கிறார். இந்த படத்திற்கு உதயகுமார் ஒளிப்பதிவு செய்ய, ஜோஹன் சிவனேஷ் இசை அமைக்கிறார். இப்போது படத்தின் பர்ஸ்ட் லுக் போஸ்டர் வெளியிடப்பட்டு இருக்கிறது. அவற்றில் ஆனந்தி கையில் கோடாரி உடன் ஆக்ரோஷமாக நிற்கிறார். ஆனந்தி இதுவரையிலும் ரொம்ப சாதுவான கதாபாத்திரத்திலேயே நடித்து இருக்கிறார். ஆனால் தற்போது ஆனந்தி கையிலும் ஆயுதத்தை கொடுத்திட்டீங்களே!.. என நெட்டிசன்கள் கேட்டு வருகிறார்கள்.