நாமக்கல் மாவட்டத்திலுள்ள அணைப்பாளையம் பகுதியில் வீரமலை என்பவர் வசித்து வந்துள்ளார் இவர் அரசியல் கட்சி நிகழ்ச்சிகளுக்கு கொடி கட்டும் காண்டிராக்டர்களிடம் இருந்து சப் காண்ட்ராக்ட் பெற்று கொடிகளை கட்டும் தொழில் நடத்தி வந்துள்ளார். இந்நிலையில் காரைக்குடியில் நடந்த அரசியல் கட்சி நிகழ்ச்சிக்கு வீரமலை தி.மு.க கொடிகளை கட்டி உள்ளார். நிகழ்ச்சி முடிந்த பிறகு இரவு 11 மணிக்கு கொடிக்கம்பங்களை அகற்றும் பணியில் ஈடுபட்டு கொண்டிருந்த போது எதிர்பாராதவிதமாக ஒரு கொடி கம்பம் மின் கம்பியில் உரசியது.
இதனால் மின்சாரம் தாக்கி தூக்கி வீசப்பட்டு படுகாயமடைந்த வீரமலையை அக்கம் பக்கத்தினர் மீட்டு காரைக்குடி அரசு மருத்துவமனைக்கு சிகிச்சைக்காக அனுப்பி வைத்தனர். அங்கு அவரை பரிசோதனை செய்த டாக்டர் வீரமலை ஏற்கனவே இறந்து விட்டதாக தெரிவித்துள்ளார். இதுகுறித்து வழக்குபதிவு செய்த போலீசார் விசாரணை நடத்தி வருகின்றனர்.