கொட்டி தீர்த்த கனமழை…. அதிகரித்த கெலவரப்பள்ளி அணையின் நீர்வரத்து……!!!!

கிருஷ்ணகிரி மாவட்டம் ஒசூர் மற்றும் அதன் சுற்றுப்புற பகுதிகளில் சென்ற 2 நாட்களாக விட்டுவிட்டு கனமழை பெய்து வருகிறது. மேலும் கர்நாடகா நீர்பிடிப்பு பகுதிகளிலும் கனமழை எதிரொலியாக ஒசூர் அடுத்த கெலவரப்பள்ளி நீர்தேக்க அணைக்கு தென்பெண்ணை ஆற்றில் நீர்வரத்து அதிகரித்து, கெலவரப்பள்ளி அணையின் மொத்த கொள்ளளவான 44.28 அடிகளில் 39.69 அடி நீர் இருப்பு இருக்கிறது. அத்துடன் அணைக்கு நீர்வரத்துவினாடிக்கு 438 கனஅடியாக அதிகரித்து, வினாடிக்கு 328 கனஅடிநீர் தென்பெண்ணை ஆற்றில் வெளியேற்றப்பட்டு வருகிறது.

சென்ற 3 மாதங்களாக அணைக்கு நீர்வரத்து குறைந்த அளவாகவே இருந்த நிலையில், கனமழை எதிரொலியாக நீர்வரத்து அதிகரித்து இருக்கிறது. இதற்கிடையில் மழை மேலும் தொடரும் என்பதால் நீர்வரத்து அதிகரிக்கலாம் என்று பொதுப்பணித்துறை அதிகாரிகள் தெரிவித்துள்ளனர். இதனிடையே, கெலவரப்பள்ளி அணையில் அதிகமான அளவு நீர் சேமிக்கு வகையில் அணையை சூழ்ந்துள்ள ஆகாயத் தாமரை செடிகளை அப்புறப்படுத்த வேண்டும் என்று விவசாயிகள் கோரிக்கை விடுத்துள்ளனர்.