தமிழகத்தில் கொரோனா பரவலை கட்டுபடுத்த முழு ஊரடங்கு அமலில் உள்ளது.அதில் பல கட்டுப்பாடுகள் விதிக்கப்பட்டு உள்ளதால் மக்கள் வேலைக்கு செல்ல முடியாமல் தங்கள் அன்றாட வாழ்க்கையை இழந்து தவித்து வருகிறார்கள். அதிலும் சிலர் உண்பதற்கு உணவு இல்லாமல் அவதிப்படுகிறார்கள். அவர்களுக்கு பலரும் உதவிக்கரம் நீட்டி வருகின்றனர். அரசும் பல நிவாரணங்களை வழங்கி வருகிறது.
இந்நிலையில் பிக்பாஸ் புகழ் நடிகர் ஆரி அர்ஜுனனின் “மாறுவோம் மாற்றுவோம்” அறக்கட்டளை சார்பில், திருவண்ணாமலை கிரிவல பாதையை சுற்றியுள்ள பகுதிகளில் சுமார் 100 பேருக்கு நேற்று அன்னதானம் வழங்கப்பட்டது. இளைஞர்கள், பொதுமக்கள் அனைவரும் இல்லாதவர்களுக்கு உதவ முன்வரவேண்டும் எனவும் அவர் வேண்டுகோள் விடுத்துள்ளார்.