கொரோனாவால் பாதிக்கபட்டவர்களுக்கு உரிய சிகிச்சை அளிக்காத மருத்துவமனைகள் மீது சட்ட நடவடிக்கைகள் மேற்கொள்ளப்படும் என மருத்துவம் மற்றும் ஊரக சுகாதாரத்துறை சேவைகள் இயக்குனரகம் எச்சரித்துள்ளது.
மருத்துவம் மற்றும் ஊரக சுகாதாரத்துறை சேவைகள் இயக்குனரகம் வெளியிட்டுள்ள அறிவிப்பில் தமிழகம் முழுவதும் உள்ள மருத்துவமனைகளில் கொரோனா தொற்றுடன் சிகிச்சைக்காக வரும் நோயாளிகளுக்கு உரிய படுக்கை வசதிகளை அமைத்துத் தர வேண்டும் என அறிவுறுத்தப்பட்டுள்ளது. மூச்சுத்திணறல் மற்றும் பிற நோய்களால் பாதிக்கப்பட்டு மருத்துவமனைக்கு வரும் நோயாளிக்கான சிகிச்சையை உறுதிப்படுத்த வேண்டுமென தெரிவிக்கப்பட்டுள்ளது. இதுதொடர்பாக சம்பந்தப்பட்ட மருத்துவமனைகள் அரசின் வழிகாட்டு நெறிமுறைகளை மீறினால் மருத்துவமனையை மூடுதல் உள்ளிட்ட சட்ட நடவடிக்கைகள் மேற்கொள்ளப்படும் என எச்சரிக்கை விடுக்கப்பட்டுள்ளது.