தமிழகத்தில் 21 மாநகராட்சிகள், 138 நகராட்சிகள், 489 பேரூராட்சிகள் என்று 648 நகர்ப்புற உள்ளாட்சி அமைப்புகளில் 12 ஆயிரத்து 601 பதவியிடங்களுக்கு (பிப்…19) ஒரே கட்டமாக தேர்தல் நடைபெற்றது. இதற்காக மொத்தம் 30 ஆயிரத்து 735 வாக்குச்சாவடிகள் ஏற்பாடு செய்யப்பட்டு, இந்த மையங்களில் காலை 7 மணி முதல் மாலை 6 மணி வரையில் வாக்குப்பதிவு நடைபெற்றது. இதையடுத்து நகர்ப்புற உள்ளாட்சித் தேர்தலுக்கான வாக்கு எண்ணிக்கை நாளை (பிப்ரவரி 22) நடைபெற இருக்கிறது.
இந்நிலையில் 5 வார்டுகளில் உள்ள 7 வாக்குச்சாவடிகளில் நகர்ப்புற உள்ளாட்சி தேர்தலுக்கான மறு வாக்குப்பதிவு நடைபெற்று வருகிறது. இதில் பொதுமக்கள் வாக்களிப்பதற்கான நேரம் 5 மணியுடன் நிறைவு பெறுகிறது. ஆனால் கொரோனாவால் பாதிக்கப்பட்டவர்கள் மாலை 6 மணி வரை வாக்களிக்கலாம் என்று அறிவிக்கப்பட்டுள்ளது.