உலகளவில் கொரோனா நோய் தொற்றினால் உயிரிழப்போரின் எண்ணிக்கையானது குறைந்து வருவதாக உலக சுகாதார அமைப்பு தெரிவித்துள்ளது.
சீனா நாட்டில் வுகான் இந்த நகரம் அமைந்துள்ளது. இந்த நகரில் 2019 ஆம் ஆண்டு கொரோனா வைரஸ் கண்டுபிடிக்கப்பட்டுள்ளது. தற்போது கொரோனா நோய் தொற்று 228 நாடுகள், பிரதேசங்களுக்கு பரவி பெரும் பாதிப்பை ஏற்படுத்தி வருகின்றது. கொரோனாவை கட்டுப்படுத்த தடுப்பூசி செலுத்தும் பணிகள் தீவிரமாக நடைபெற்று வருகின்றது. இந்நிலையில், உலகளவில் கொரோனா தொற்றினால் உயிரிழப்போரின் எண்ணிக்கையானது குறைந்து வருவதாக உலக சுகாதார அமைப்பு தெரிவித்துள்ளது.
இது குறித்து உலக சுகாதார அமைப்பின் தலைவர் டெட்ரோஸ் அதானோம் கெப்ரேயஸ் கூறியதாவது, “கொரோனாவால் ஏற்பட்ட அச்சுறுத்தல் முடிவுக்கு வருவது போல் உள்ளது. இந்த கொரோனாவால் உயிரிப்போர் எண்ணிக்கையானது கடந்த 2 ஆண்டுகளுக்கு பிறகு கடந்த வாரம் குறைந்துள்ளது. கொரோனா நோய் தொற்று இன்னும் முடிவுக்கு வரவில்லை. ஆனால் முடிவிற்கு வருவதற்கான அறிகுறியுள்ளது” என்று அவர் தெரிவித்துள்ளார்.