கொரோனா வார்டில் நர்சுக்கு பாலியல் தொல்லை… வாலிபரை அடித்து உதைத்த நோயாளிகள்… அரசு மருத்துவமனையில் பரபரப்பு…!!!

ஆந்திரா மாநிலத்தில், கொரோனா வார்டில் நர்ஸ்க்கு பாலியல் தொல்லை கொடுத்த வாலிபரை போலீசார் கைது செய்துள்ளனர்.

ஆந்திர மாநிலம் பிரகாசம் மாவட்டம் அருகே உள்ள அரசு மருத்துவமனை ஒன்றில், கொரோனா வார்டில் பல நோயாளிகள் சிகிச்சை பெற்று வருகின்றனர். அந்த வார்டில் சிகிச்சை பெற்று வரும் நோயாளி ஒருவருக்கு நர்ஸ் ஒருவர் சிகிச்சை அளித்துக் கொண்டிருந்தார். அப்போது அதே வார்டில் ஒரு நோயாளியின் உதவியாளராக இருந்த விஜயகுமார் என்பவர், நர்ஸ்க்கு பாலியல் தொல்லை கொடுத்துள்ளார்.

இதைப்பார்த்த மற்ற நோயாளிகள் மற்றும் அவர்களது உறவினர்கள் விஜயகுமாரை பிடித்து சரமாரியாக அடித்து உதைத்தனர். இதனால் அங்கு பரபரப்பு ஏற்பட்டது. இது குறித்து போலீசாருக்கு தகவல் தெரிவிக்கப்பட்டது. தகவலின்பேரில் சம்பவ இடத்திற்கு வந்த காவல்துறையினர் அங்கிருந்த சிசிடிவி கேமரா காட்சிகளை ஆய்வு செய்து, பின்னர் அவர் மீது வழக்குப்பதிவு செய்து கைது செய்தனர்.