தமிழகத்தில் கடந்த சில நாட்களாக பல்வேறு மாவட்டங்களில் கொரோனா பாதிப்பு தொடர்ந்து அதிகரித்துக் கொண்டே வருகிறது. அதிலும் குறிப்பாக தலைநகர் சென்னை, செங்கல்பட்டு,காஞ்சிபுரம் மற்றும் கோவை உள்ளிட்ட மாநிலங்களில் தொடர்ந்து கொரோனா பாதிப்பு எண்ணிக்கை அதிகரித்து வருவதால் பல்வேறு ஊரடங்கு கட்டுப்பாடுகள் அமல்படுத்தப்பட்டு வருகிறது. அவ்வகையில் தமிழக முழுவதும் பொது இடங்களில் முக கவசம் அணிவது மற்றும் சமூக இடைவேளையை கடைப்பிடிப்பது கட்டாயமாக்கப்பட்டுள்ளது.
இந்நிலையில் தமிழக அரசு ஊழியர்களுக்கான கொரோனா விடுப்பு நாட்கள் பற்றி தமிழக மனித வள மேலாண்மை துறை அறிவித்துள்ளது. அதன்படி கொரோனா பாதிக்கப்பட்ட தனிமையில் இருந்தாலும்,சிகிச்சையில் இருந்தாலும் அத்தனை நாட்களும் அரசு ஊழியர்களுக்கு சிறப்பு தற்செயல் விடுப்பு அளிக்கப்படும். மருத்துவரின் சான்றிதழ் அடிப்படையில் தான் விடுப்பு வழங்கப்படும். கட்டுப்பாட்டு பகுதிகளில் வசிப்பவர்கள் அதற்கான அறிவிப்பை சமர்ப்பித்தால் அவர்களுக்கும் தற்செயல் விடுப்பு வழங்கப்படும் என தெரிவித்துள்ளது.