கொலையா…? தற்கொலையா…? கடற்கரையில் கிடந்த சடலம்…. விசாரணையில் தெரிந்த உண்மை…!!

கடற்கரையில் அரசு ஊழியரின் சடலம் மீட்கப்பட்ட சம்பவம் குறித்து காவல்துறையினர் விசாரணை மேற்கொண்டு வருகின்றனர்.

சென்னை மாவட்டத்திலுள்ள மெரினா கடற்கரை நொச்சி நகர் பகுதியில் இருக்கும் மணல் பரப்பில் ஒரு ஆணின் சடலம் கிடப்பதாக காவல்துறையினருக்கு தகவல் கிடைத்துள்ளது. அந்த தகவலின்படி சம்பவ இடத்திற்கு விரைந்து சென்ற மயிலாப்பூர் காவல்துறையினர் இறந்து கிடந்த ஆணின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். இதுகுறித்து வழக்குப்பதிவு செய்த காவல்துறையினர் நடத்திய விசாரணையில் சடலமாக மீட்கப்பட்ட நபர் ஜெகதீஸ் என்பது தெரியவந்துள்ளது.

இவர் நுங்கம்பாக்கத்தில் இருக்கும் தமிழ்நாடு தேர்வுகள் துறை இயக்குனரகத்தில் உதவியாளராக வேலை பார்த்து வந்துள்ளார். இதனையடுத்து ஜெகதீஸ் கடலில் விழுந்து தற்கொலை செய்து கொண்டாரா அல்லது யாரேனும் கொலை செய்து சடலத்தை வீசி சென்றனரா என்பது குறித்து காவல்துறையினர் தீவிர விசாரணை மேற்கொண்டு வருகின்றனர்.