கொலையா…. தற்கொலையா….? பேருந்து நிலையத்தில் கிடந்த பிணம்…. நாமக்கல்லில் பரபரப்பு….!!

பேருந்து நிலையம் அருகே அடையலாம் தெரியாத நபர் ஒருவர் உயிரிழந்து கிடந்த சம்பவம் அப்பகுதியில் பரபரப்பை ஏற்படுத்தியுள்ளது.

நாமக்கல் மாவட்ட பேருந்து நிலையத்தில் சுகாதார ஆய்வாளர் அலுவலகம் செயல்பட்டு வருகிறது. அதன் அருகே 55 வயது ஆண் ஒருவர் மர்மமான முறையில் உயிரிழந்து கிடந்துள்ளார். இதனை பார்த்து அதிர்ச்சியடைந்த அப்பகுதியினர் உடனடியாக காவல்நிலையத்திற்கு தகவல் தெரிவித்துள்ளனர்.

தகவலறிந்து சம்பவ இடத்திற்கு விரைந்து சென்ற நாமக்கல் போலீசார் உயிரிழந்து கிடந்த உடலை மீட்டு உடற்கூறு ஆய்விற்கு அனுப்பி வைத்தனர். மேலும் இதுகுறித்து வழக்குபதிவு செய்து உயிரிழந்த நபர் யார் என்றும், உயிரிழந்த காரணம் குறித்தும் பல்வேறு கோணங்களில் விசாரித்து வருகின்றனர்.