வீட்டில் பற்றி எரிந்த தீயை தீயணைப்பு வீரர்கள் நீண்ட நேரம் போராடி அணைத்துள்ளனர்.
பெரம்பலூர் மாவட்டத்தில் உள்ள அருணகிரி மங்களம் கிராமத்தில் கருப்பையா என்பவர் வசித்து வருகிறார். இவருக்கு பரமசிவம் என்ற மகன் உள்ளார். இந்நிலையில் பரமசிவத்துக்கும் அவரது மனைவிக்கும் இடையே குடும்ப பிரச்சினை காரணமாக தகராறு ஏற்பட்டுள்ளது. இதனையடுத்து அவரது மனைவி தனது தாய் வீட்டிற்கு சென்றுள்ளார். இதனால் மன உளைச்சலில் இருந்த பரமசிவம் தனது மனைவியின் சேலையை தீ வைத்து கொளுத்தியுள்ளார்.
அப்போது திடிரென வீடு முழுவதும் தீ பற்றி எரிந்துள்ளது. இதனை பார்த்து அதிர்ச்சி அடைந்த பொதுமக்கள் உடனடியாக தீயணைப்பு துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற தீயணைப்பு வீரர்கள் நீண்ட நேரம் போராடி வீட்டில் பற்றி எரிந்த தீயை அணைத்துள்ளனர். இந்த விபத்தில் வீட்டில் இருந்த அனைத்து பொருட்களும் முற்றிலுமாக எரிந்து நாசமாகியுள்ளது. இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.