டிமாண்டிகாலனி, இமைக்கா நொடிகள் திரைப்படங்களின் வெற்றியை அடுத்து அஜய் ஞானமுத்து இயக்கியுள்ள படம் கோப்ரா ஆகும். விக்ரம் கதாநாயகனாக நடித்து இருக்கும் இந்த படத்தில் இவருக்கு ஜோடியாக ஸ்ரீநிதிஷெட்டி நடித்துள்ளார். அத்துடன் கே.எஸ்.ரவிகுமார், இந்திய கிரிக்கெட் அணியின் முன்னாள் வீரர் இர்ஃபான் பதான், மியா ஜார்ஜ், கனிகா, மிருணாளினி, ஜான் விஜய் போன்றோர் முக்கியமான கதாபாத்திரத்தில் நடித்து இருக்கின்றனர்.
லலித்குமார் தயாரித்துள்ள இந்த படத்திற்கு ஏ.ஆர்.ரஹ்மான் இசையமைத்துள்ளார். அண்மையில் இந்த திரைப்படத்தின் போஸ்டர்கள், சிங்கிள் பாடல்கள் வெளியாகி ரசிகர்கள் மத்தியில் நல்ல வரவேற்பை பெற்றது. தற்போது இந்த படத்தின் இறுதிகட்ட பணிகள் நடந்துவரும் சூழ்நிலையில் ‘கோப்ரா’ திரைப்படம் வரும் ஆகஸ்ட் 11 ஆம் தேதி திரையரங்குகளில் வெளியாகவுள்ளது. இந்த படத்தின் யுகே மற்றும் ஐரோப்பா தியேட்டர் ரிலீஸ் உரிமத்தை வலிமை, பீஸ்ட், விக்ரம் ஆகிய படங்களை ரிலீஸ் செய்த அகிம்சா எண்டர்டெயின் மெண்ட் நிறுவனம் பெற்றுள்ளது.
உதயநிதி ஸ்டாலினின் ரெட்ஜெயன்ட் மூவீஸ் நிறுவனம் இந்த படத்தை வெளியிடுகிறது. அண்மையில் கோப்ரா திரைப்படத்தில் இடம்பெற்றுள்ள உயிர் உருகுதே பாடல் புரோமோவை படக்குழு வெளியிட்டு உள்ளது. ஏ.ஆர். ரஹ்மான் இசையில் உருவாகியிருக்கும் இந்த பாடல் இன்று மாலை 6 மணிக்கு வெளியாகும் என்று படக்குழு அறிவித்திருந்த சூழ்நிலையில் சிறிது தாமதம் ஏற்பட்டு 8.1 க்கு வெளியாகியது. ரசிகர்களின் எதிர்பார்ப்பில் வெளியாகியுள்ள இந்த லிரிக்கல் வீடியோவானது இணையத்தில் வைரலாகி வருகிறது.