தேனியில் கன்று குட்டியின் மீது ஆட்டோ மோதியதால் 3 நபர்கள் படுகாயமடைந்தனர்.
தேனி மாவட்டம் போடியில் ராதிகா என்பவர் வசித்து வருகிறார். இந்நிலையில் ராதிகா தன்னுடைய மகனான பேரின்பனுடனும், உறவினர்கள் 5 நபர்களுடனும் மலைக்கோவிலுக்கு ஆட்டோவில் சென்றுள்ளனர். அதன்பின் ஆட்டோ போடியிலுருக்கும் குரங்கணி சாலையில் சென்று கொண்டிருந்தது. அப்போது திடீரென்று அங்கு வந்த கன்றுக்குட்டியை பார்க்காத ஆட்டோ டிரைவர் அதன்மீது கண்ணிமைக்கும் நேரத்தில் மோதினார்.
இதில் ஆட்டோ கவிழ்ந்ததால் அதிலிருந்த ராதிகா, அவருடைய மகன் மற்றும் டிரைவர் போன்றோர் பலத்த காயமுற்றனர். இதனைக் கண்டு அதிர்ச்சியடைந்த அக்கம்பக்கத்தினர் அவரை மீட்டு சிகிச்சைக்காக அரசு மருத்துவமனைக்கு அனுப்பி வைத்தனர். மேலும் இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.