புதுக்கோட்டை மாவட்டத்தில் தோட்டத்தில் புகுந்து மர்ம ஆசாமி கோழியை திருடிச் சென்ற சம்பவம் பரபரப்பை ஏற்படுத்தியிள்ளது.
புதுக்கோட்டை மாவட்டத்திலுள்ள சொக்கநாதப்பட்டி சாலையில் முன்னாள் கிராம நிர்வாக அதிகாரி பெருமாள் என்பவரின் தோட்டம் உள்ளது. அந்த தோட்டத்தில் அவர் கோழி வளர்த்து வருகின்றார். இந்நிலையில் மோட்டார் சைக்கிளில் வந்த மர்ம ஆசாமி தோட்டத்தில் புகுந்து கோழியை திருடிச் சென்றுள்ளார். இதனையடுத்து தோட்டத்திற்கு வந்த பெருமாள் கோழியை காணாததால் அதிர்ச்சியடைந்து தோட்டத்தில் உள்ள கண்காணிப்பு கேமராவை பார்த்துள்ளார்.
அந்த கணகாணிப்பு கேமராவில் கோழியைத் திருடிச் சென்ற சம்பவம் பதிவாகி உள்ளது. இதனையடுத்து கேமராவில் பதிவான காட்சியை வைத்து பெருமாள் காவல் நிலையத்தில் புகார் கொடுத்துள்ளார். அந்தப் புகாரின் பேரில் காவல் துறையினர் கோழித் திருடி சென்ற ஆசாமியை வலைவீசி தேடி வருகின்றனர்.