ஆற்றில் மூழ்கி வாலிபர் உயிரிழந்த சம்பவம் சோகத்தை ஏற்படுத்தியுள்ளது.
மதுரை மாவட்டத்திலுள்ள உசிலம்பட்டியில் காய்கறி வியாபாரியான வீரவேல் என்பவர் வசித்து வருகிறார். இவருக்கு கோட்டைசாமி(17) என்ற மகன் இருந்துள்ளார். இந்நிலையில் வீரவேல் தனது குடும்பத்தினருடன் திருநெல்வேலி மாவட்டத்தில் உள்ள பாபநாசம் கோவிலுக்கு சாமி கும்பிடுவதற்காக சென்றுள்ளார். இதனை அடுத்து தாமிரபரணி ஆற்றில் அனைவரும் குளித்துக் கொண்டிருந்தனர். அப்போது பாறை இடுக்குகளில் கோட்டை சாமியின் கால்கள் சிக்கியது.
இதனால் தண்ணீரில் மூழ்கிய அவரை குடும்பத்தினர் மீட்க முயற்சி செய்தனர். ஆனாலும் அவரை மீட்க முடியவில்லை. இதுகுறித்து அறிந்த தீயணைப்பு வீரர்கள் சம்பவ இடத்திற்கு விரைந்து சென்று கோட்டைசாமியின் சடலத்தை மீட்டனர். பிறகு வாலிபரின் உடல் அன்பை அரசு மருத்துவமனைக்கு பிரேத பரிசோதனைக்காக அனுப்பி வைக்கப்பட்டது. இது குறித்து வழக்கு பதிவு செய்த போலீசார் விசாரணை நடத்தி வருகின்றனர். இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.