கோவிலில் கொள்ளையடித்து சென்ற மர்ம நபர் குறித்து காவல்துறையினர் தீவிர விசாரணை மேற்கொண்டு வருகின்றனர்.
புதுக்கோட்டை மாவட்டத்தில் உள்ள ஒரு கிராமத்தில் புகழ்பெற்ற பூமீஸ்வரர் கோவில் அமைந்துள்ளது. இந்த கோவிலில் இரவு நேரம் பூஜைகள் முடிந்தபிறகு கதவை பூட்டிவிட்டு பூசாரி வீட்டிற்கு சென்றுள்ளார். இதனையடுத்து மறுநாள் காலை கோவிலுக்கு சென்று பார்த்த போது கதவின் பூட்டு உடைக்கப்பட்டு இருந்ததை கண்டு அதிர்ச்சி அடைந்தார்.
அதன் பின் உள்ளே சென்று பார்த்தபோது கோவிலில் இருந்த 3 செட் குத்து விளக்குகள் மற்றும் தொங்கு விளக்கு போன்றவற்றை மர்ம நபர்கள் திருடி சென்றது தெரியவந்துள்ளது. இதுகுறித்து பூசாரி காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் கோவிலில் கொள்ளையடித்து சென்ற மர்ம நபர் குறித்து தீவிர விசாரணை மேற்கொண்டு வருகின்றனர்.