பெண்ணிடமிருந்து தங்க சங்கிலியை பறித்து சென்ற வாலிபரை காவல்துறையினர் வலைவீசி தேடி வருகின்றனர்.
மதுரை மாவட்டத்திலுள்ள கூடல்புதூர் காந்திநகரில் சரண்யா என்பவர் வசித்து வருகிறார். இந்தப் பகுதியில் இருக்கும் கோவிலுக்கு நடந்து சென்றுள்ளார். அப்போது சரண்யாவை மோட்டார் சைக்கிளில் பின்தொடர்ந்து வந்த மர்ம நபர் அவரது கழுத்தில் அணிந்திருந்த 3 பவுன் தங்க சங்கிலியை பறித்து விட்டு அங்கிருந்து தப்பி சென்றார். இதுகுறித்து சரண்யா காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் மர்ம நபரை தீவிரமாக தேடி வருகின்றனர்.