கோவையில் மநீம தலைவர் கமலஹாசன் தொடர்ந்து முன்னிலை…!!!

தமிழகத்தில் கடந்த ஏப்ரல் 6-ஆம் தேதி நடந்து முடிந்த சட்டப்பேரவைத் தேர்தலில் பதிவான வாக்குகளை எண்ணும் பணி காலை 8 மணிக்கு  தொடங்கியது. தமிழகம் முழுவதும் சுமார் 75 மையங்களில் 3 அடுக்கு போலீஸ் பாதுகாப்பு போடப்பட்டுள்ளது. முன்னனி நிலவரங்கள் பிற்பகலுக்குள், வெற்றி நிலவரங்கள் மாலைக்குள் தெரியவரும். ஒவ்வொரு தொகுதிக்கும் நான்கு முதல் ஐந்து சுற்று வரை வாக்கு எண்ணிக்கை நடைபெற உள்ளது.

அதில் முதல் கட்டமாக தபால் வாக்கு எண்ணிக்கை தொடங்கியது. அதன் முன்னிலை விவரங்கள் வெளியிடப்பட்டு வருகின்றன. கோவை தெற்கு தொகுதியில் போட்டியிட்ட மநீம தலைவர் கமல்ஹாசன் தொடர்ந்து முன்னிலை வகித்து வருகிறார். அவர் 2010 வாக்குகள் பெற்றுள்ளார். காங்கிரஸ் சார்பில் போட்டியிட்ட மயூரா எஸ்.ஜெயக்குமார் 1926 வாக்குகள் பெற்றுள்ளார்.