சகோதரியுடன் சேர்ந்து துன்புறுத்திய கணவர்…. பெண்ணின் தற்கொலை வழக்கு…. நீதிபதியின் அதிரடி உத்தரவு….!!

பெண் தற்கொலை வழக்கில் கணவர் மற்றும் அவரது சகோதரிக்கு நீதிமன்றம் ஜெயில் தண்டனை விதித்து அதிரடியாக உத்தரவிட்டுள்ளது. 

மதுரை மாவட்டத்தில் உள்ள சிம்மக்கலின் தைக்கால் தெருவில் தொழிலாளியான துரை பாண்டி என்பவர் வசித்து வருகிறார். இவருக்கு விஜயலட்சுமி என்ற மனைவி இருந்துள்ளார். இந்த தம்பதிகளுக்கு இரண்டு குழந்தைகள் இருக்கின்றனர். இந்நிலையில் குடிபோதையில் துரைப்பாண்டி அடிக்கடி விஜயலட்மியை அடித்து துன்புறுத்தியதோடு, உனது தாயிடம் சென்று பணம் வாங்கி வா என கூறி துன்புறுத்தியுள்ளார். மேலும் துரைபாண்டியன் அவரது சகோதரியான லட்சுமி என்பவரும் இணைந்து விஜயலட்சுமியை  மிகவும் துன்புறுத்தியுள்ளனர்.

இதனால் மன உளைச்சலில் இருந்த விஜயலட்சுமி கடந்த 2010-ஆம் ஆண்டு தற்கொலை செய்து கொண்டார். இந்த வழக்கினை விசாரித்த நீதிமன்றம் குற்றவாளியான துரை பாண்டிக்கு 7 ஆண்டுகள் ஜெயில் தண்டனையும், 10 ஆயிரம் ரூபாய் அபராதமும் விதித்து உத்தரவிட்டுள்ளது.  மேலும் அவரது சகோதரியான லட்சுமிக்கு 5 ஆண்டுகள் ஜெயில் தண்டனையும், 5 ஆயிரம் ரூபாய் அபராதமும் விதிக்கப்பட்டுள்ளது.