தமிழகத்தில் சசிகலா எழுச்சியை நசுக்க நச்சு கும்பல் ஒன்று சதி வலைகளை பின்னி இருப்பதாக எம்ஜிஆர் நாளேட்டில் குறிப்பிடப்பட்டுள்ளது.
தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெறும் என்று அறிவிக்கப்பட்டது. அதனால் கடந்த இரண்டு மாதங்களாக அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருகின்றன. ஒவ்வொரு கட்சியினரும் தங்கள் எதிர்கட்சியினரை கடுமையாக விமர்சித்த தேர்தல் பிரசாரம் செய்து வருவதால், தேர்தல் களம் சூடு பிடிக்க தொடங்கியுள்ளது.
இதற்கு மத்தியில் கூட்டணி குறித்த குழப்பம் நிலவி வருகிறது. அதுமட்டுமன்றி தங்கள் ஆட்சி தமிழகத்தில் அமைந்தால் மக்களுக்கு பல்வேறு நலத்திட்டங்களை செய்து தருவதாக வாக்குறுதி அளிக்கப்பட்டு வருகின்றன. அதன்படி கடந்த சில நாட்களாக அதிமுக தமிழகத்தில் மக்களுக்கு பல்வேறு நலத்திட்டங்களை தொடர்ந்து செய்து வருகிறது.
மேலும் சொத்துக்குவிப்பு வழக்கில் சிறை தண்டனை அனுபவித்துக் கொண்டிருந்த சசிகலா விடுதலை செய்யப்பட்டு கடந்த பிப்ரவரி 8-ஆம் தேதி தமிழகம் திரும்பினார். அவரின் வருகை அரசியலில் ஏதாவது மாற்றத்தை ஏற்படுத்துமா என அனைவரும் குழப்பத்தில் உள்ளனர். இந்நிலையில் சசிகலா ஒவ்வொரு தொகுதிக்கும் சென்று பிரசாரம் செய்வார்.
அவரது அரசியல் பயணத்தில் எந்த தடையுமில்லை என நமது எம்ஜிஆர் நாளேட்டில் கட்டுரை வெளியாகியுள்ளது. அதேபோல் சசிகலா எழுச்சியை நசுக்க நச்சு கும்பல் ஒன்று சதி வலைகளை பின்னி இருக்கிறது. ஆனால் அதையெல்லாம் கண்டு சசிகலா எப்போதும் அஞ்ச மாட்டார் என்று அதில் குறிப்பிடப்பட்டுள்ளது.