இந்தியாவின் பஞ்சாப் மாநிலத்தில் எல்லையை ஒட்டிய பகுதியில் சந்தேகத்திற்குரிய வகையில் 2 பேர் சுற்றிதிரிந்துள்ளனர். இதையடுத்து காவல்துறையினர் அவர்களை தடுத்து நிறுத்தி விசாரித்துள்ளனர். அப்போது பல திடுக்கிடும் தகவல்கள் கிடைத்தது. அதாவது, அவர்கள் எல்லை வழியே இந்தியாவுக்குள் ஊடுருவி, பயங்கர ஆயுதங்கள் மற்றும் போதைப்பொருட்கள் உள்ளிட்டவற்றை கடத்த முயன்றது விசாரணையில் தெரியவந்துள்ளது. அவர்கள் இரண்டு பேரும் குர்வீந்தர் சிங் மற்றும் சந்தீப் சிங் என அடையாளம் காணப்பட்டுள்ளனர்.
அத்துடன் அவர்களிடமிருந்து 35 கிராம் ஹெராயின் என்ற போதைப்பொருள், தோட்டாக்கள் நிரம்பிய 2 கைத்துப்பாக்கிகள், 2 தோட்டா உறைகள், 100 கிராம் ஓபியம் வகை போதைப் பொருள் ஆகியவை பறிமுதல் செய்யப்பட்டது. மேலும் அவர்களிடமிருந்து ஒரு கார் கைப்பற்றப்பட்டுள்ளது. சுதந்திரதினம் நெருங்கிவரும் நிலையில், இது தவிர வேறு ஏதேனும் திட்டத்துடன் அவர்கள் ஊடுருவி இருக்கிறார்களா..? என்ற கோணத்திலும் விசாரணை நடந்து வருகிறது என பஞ்சாப் டி.ஜி.பி. தெரிவித்துள்ளார்.