ஐபிஎல் 15 சீசனுக்கான சன்ரைசர்ஸ் ஹைதராபாத் அணிக்கான பிளேயிங் XI குறித்த தொகுப்பு வெளியிடப்பட்டுள்ளது.
ஐபிஎல் 15 வது சீசன் வருகிற மார்ச் 27 முதல் தொடங்க உள்ளது. இந்நிலையில் கடந்த பிப்ரவரி 12, 13 நாள்களில் நடைபெற்ற மெகா ஏலத்தில் வாங்கியுள்ள வீரர்களை வைத்து 10 அணிகளும் சேர்ந்து XI அணியை தேர்வு செய்யும் பணியில் தீவிரமாக ஈடுபட்டு வருகின்றனர். முதலாவதாக, சன்ரைசர்ஸ் ஹைதராபாத் அணியானது ரஷித்கான், ஜேசன் ராய், டேவிட் வார்னர் உள்ளிட்ட முக்கிய வீரர்களை இழந்துள்ள நிலையில், அதற்கான மாற்று வீரர்களை சமீபத்தில் நடந்த ஏலத்தில் வாங்கவில்லை என்றுதான் கருதப்படுகிறது.
எனவே இந்த அணிக்கு இது பெரும் பின்னடைவு ஆகும். மேலும் அந்த அணிக்கான உத்தேச XI தற்போது வெளியாகி உள்ளதைப் பார்க்கலாம். அதன்படி, இந்த அணியின் ஓபனர்களாக கேப்டன் கேன் வில்லியம்சன் மற்றும் உள்ளூர் வீரரான அபிஷேக் ஷர்மா இருப்பார்கள் என கருதப்படுகிறது. இதனை அடுத்து மிடில் வரிசையை பொருத்தவரை ராகுல் நிக்கோலஸ் பூரன் மற்றும் அப்துல் சமாத் போன்ற அதிரடி வீரர்களை களமிறக்க உள்ளது.
அதிலும் குறிப்பாக இவர்கள் அனைவரும் அதிரடி வீரர்கள் என்பதால் சன் ரைசர்ஸ் அணியின் பேட்டிங் வரிசை மிகவும் பலம் உள்ளதாக பார்க்கப்படுகிறது. இதனைத் தொடர்ந்து வாஷிங்டன் சுந்தர் மற்றும் மார்கோ யன்சன் ஆகிய இருவரும் ஆல்ரவுண்டர்களுக்கான இடங்களில் இடம்பெறுவார்கள் என கருதப்படுகிறது.மேலும் பேட்டிங் மற்றும் பந்து வீச்சு ஆகியவற்றில் இவர்கள் இருவரும் தாக்கத்தை ஏற்படுத்தக் கூடியவர்கள். இதனை அடுத்து தரமான பௌலர்கள் ஆன புவனேஷ்வர் குமார், டி.நடராஜன், உம்ரான் மாலிக் ஆகியோர் பந்துவீச்சாளர்களுக்கான இடங்களில் இருக்க வாய்ப்புள்ளது. சன்ரைசரஸ் அணி ஒட்டுமொத்தமாக ஓரளவுக்கு சிறந்த அணியாக தான் கருதப்படுகிறது.