சபரிமலை பக்தர்களுக்கு ஆன்லைன் முன்பதிவு மூலம் தரிசனத்துக்கு விதிக்கப்பட்டிருந்த எண்ணிக்கை கட்டுப்பாடானது நேற்று முதல் நீக்கப்பட்டுள்ளது.
சபரிமலையில் தற்போது பங்குனி உத்திர திருவிழா வெகு விமர்சையாக நடந்து வருகிறது. இதை அடுத்து தரிசனத்துக்காக தினமும் 15 ஆயிரம் பக்தர்களுக்கு ஆன்லைன் முன்பதிவு மூலம் அனுமதி வழங்கப்பட்டிருந்த நிலையில், தற்போது கொரோனாவின் பாதிப்பு குறைந்து வருவதால், கூடுதலாக பக்தர்களை அனுமதிக்குமாறு தேவசம்போர்டு, கேரளா அரசுக்கு கோரிக்கை விடுத்துள்ளது.
இந்த நிலையில் கேரள ஹைகோர்ட் , ஆன்லைன் முன்பதிவு கட்டுப்பாட்டை நீக்கும்படி உத்தரவிட்டுள்ளது. அதன்படி நேற்று முதல் கட்டுப்பாடுகள் நீக்கப்பட்டு எவ்வளவு பக்தர்கள் வேண்டுமானாலும் தரிசனத்திற்காக ஆன்லைனில் முன்பதிவு செய்து வருவதற்கான வசதி செய்யப்பட்டுள்ளது. இருப்பினும் கொரோனா இரண்டு தடுப்பூசி செலுத்தின சான்றிதழ் அல்லது 72 மணி நேரத்தில் எடுக்கப்பட்ட ஆர்.டி.பி.சி.ஆர். கொரோனா பாதிப்பில்லை என்பதற்கான சான்றுகளும் கட்டாயமாக கொண்டுவர வேண்டும் என தெரிவிக்கப்பட்டுள்ளது.