மதுரையில் காவல் உதவி ஆய்வாளர் வீட்டின் பூட்டை உடைத்து பணம் மற்றும் நகையை மர்ம நபர்கள் கொள்ளையடித்து சென்றுள்ளனர்.
மதுரை அருகே பெத்தானியாபுரத்தை சேர்ந்தவர் மணிமாறன். இவர் மீனாட்சி அம்மன் கோவிலில் காவல் உதவி ஆய்வாளராக பணியாற்றி வருகின்றார். இந்நிலையில் சம்பவத்தன்று மணிமாறன் தனது வீட்டை பூட்டி விட்டு சொந்த ஊரான அலங்காநல்லூர் சென்றுள்ளார். அச்சமயம் பார்த்து மர்மநபர்கள் வீட்டின் முன் கதவு பூட்டை உடைத்து உள்ளே சென்று பீரோவில் இருந்த 41/2 பவுன் தங்கநகைகள் மற்றும் ரூ. 6480 ரொக்கம் ஆகியவற்றை கொள்ளையடித்து சென்றுள்ளனர். இந்நிலையில் மணிமாறன் தனது வீட்டிற்கு திரும்பி வந்தபோது முன் கதவு பூட்டு உடைந்து கிடப்பதை கண்டு அதிர்ச்சி அடைந்த அவர் வீட்டுக்குள் சென்று பார்த்துள்ளர்.
அப்போது பீரோவில் இருந்த நகை, பணம் ஆகியவை கொள்ளையடித்து சென்றது தெரியவந்துள்ளது. இதுதொடர்பாக மணிமாறன் கரிமேடு காவல் நிலையத்தில் புகார் கொடுத்துள்ளார். இதன் அடிப்படையில் காவல்துறையினர் வழக்குப் பதிவு செய்து விசாரணை நடத்தி வருகின்றனர். காவல் உதவி ஆய்வாளர் வீட்டிலேயே மர்ம நபர்கள் கொள்ளையடித்து சென்ற சம்பவம் அப்பகுதியில் பரபரப்பை ஏற்படுத்தியுள்ளது.