சேலம் மாவட்டத்தில் ஓ பன்னீர்செல்வத்திற்கு ஆதரவாக போஸ்டர் ஒட்டப்பட்டுள்ளது பெரும் பரபரப்பை ஏற்படுத்தியுள்ளது. அதிமுகவில் தற்போது ஒற்றை தலைமை விவகாரம் விஸ்வரூபம் எடுத்துள்ளது அக்கட்சியிலிருந்து ஒ பன்னீர்செல்வம் புறக்கணிக்கப்பட்டு வருகிறார். இதனிடையே ஓ. பன்னீர்செல்வம் மற்றும் எடப்பாடி பழனிச்சாமி ஆகியோருக்கு ஆதரவாக அவரது ஆதரவாளர்கள் போஸ்டர் ஒட்டி வருகின்றனர். சில போஸ்டர்கள் பெரும் பரபரப்பை ஏற்படுத்தும் வகையில் உள்ளது.
கடந்த சில தினங்களுக்கு முன்பு சேலம் மாவட்டத்தில் எடப்பாடி பழனிசாமியின் ஆதரவாளர்கள் அவரை ஆதரித்து பல இடங்களில் போஸ்டர் ஒட்டி இருந்தன. எடப்பாடி பழனிச்சாமிக்கு கிரீடம் அணிந்து கையில் வேல் ஏந்தி, கழுத்தில் மாலை அணிந்து இருப்பது போல் சூரசம்காரம் ஸ்டார் என்று வாசகம் எழுதப்பட்டு ஒட்டப்பட்டு இருந்தது. இந்நிலையில் தற்போது சேலம் மாவட்டத்தில் எடப்பாடி பழனிச்சாமிக்கு எதிராக போஸ்டர் ஒட்டப்பட்டுள்ளன. போஸ்டர்களை ஒட்டி தொடர்ந்து ஆதரவாளர்கள் யுத்தங்கள் நடத்தி வருகின்றன. சமீபகாலமாக கட்சியில் இபிஎஸ் கையே ஓங்கி இருந்த நிலையில் தற்போது அவரின் சொந்த மாவட்டத்தில் ஓபிஎஸ் க்கு ஆதரவாக போஸ்டர் ஒட்டப்பட்டுள்ளது பெரும் பரபரப்பு ஏற்படுத்தியுள்ளது.